Утрински Весник
Свет

Пристигна првата реакција на Москва за влезот на Шведска и Финска во НАТО

Русија е толку моќна сила што приемот на Шведска и Финска во НАТО пактот не е важен во глобална стратешка смисла.

Ова за РИА Новости го изјави Андреј Климов, шеф на комисијата на Советот на Федерацијата за заштита на државниот суверенитет.

„ Русија е толку моќна воена и политичка сила што овие земји немаат никакво значење во глобална стратешка смисла“, рече Климов.

Тој нагласи дека учеството на северните соседи на Русија во алијансата „нема да ги подобри“ нивните односи со Москва. Во исто време, и Шведска и Финска имаа одредени придобивки од нивната неутралност, а со зајакнувањето на воената инфраструктура на нивната територија „ќе си направат проблеми“, изјави Климов.

Одговарајќи на новинарско прашање за тоа колку брзо Шведска и Финска можат да влезат во НАТО, Климов истакна дека „брзината со која се постигнува таа цел треба да ги загрижува“.

Министрите за надворешни работи на Турција, Шведска и Финска денеска потпишаа меморандум за проширување на НАТО кон овие две земји.

Можете да прочитате

Портпаролот на терористичката „ИД“ го пофали нападот што го изврши во концертна сала во московскиот регион

Трагедија во Јужна Африка: 45 лица загинаа во автобуска несреќа

Илјадници налози на Телеграм блокирани поради повици на терористички напади