Прилеп, 22 март 2020 (МИА) – Јавниот градски превоз во Прилеп се укинува, информираат од Општинскиот штаб за управување со кризи. Оваа мерка според нив е резултат на синоќешниот одлука на Владата, која донесе уредба за забрана за движење од 21 часот до 6 часот изутрина.
Освен тоа, продолжува континуираната дезинфекција на улиците и на јавните површини во градот и во населените места. Воедно, се заострува контролата при влезот на возила од сите четири правци, а секое возило кое влегува во Прилеп ќе биде дезинфицирано.
Прилепскиот кризен штаб ја нагласи мерката дека се забранува собирање на повеќе од 5 лица, особено на младите, во парковите во градот, во излетничките места, во викендичките во околината.
Инаку, според последните информации, во Прилеп 135 лица се во самоизолација. Против 7 се поднесени кривични пријави за непочитување на мерките. ем/оџ/
