Во тетовското село Шипковица, вчера напладне полициски службеници од СВР Тетово ги лишиле од слобода А.М.(40) и Л.М.(39) од тетовско Гајре, кои на 11. и 13. месецов биле пријавени од две лица од Гајре и Шипковица дека им барале пари, им се заканувале, а на жителот од Шипковица му одзеле и добиток.
Како што информираат од МВР, при лишувањето двајцата се однесувале агресивно и физички ги нападнале полициските службеници, при што од еден полициски службеник бил испукан и предупредувачки куршум во воздух.
Насилниците се задржани во полициската станица Тетово за целосно расчистување и документирање на пријавените случаи и ќе им бидат изготвени соодветни пријави.