Тетово, 20 март 2020 (МИА) – Општина Тетово соопшти дека денес во рамки на процесот на дезинфекција на градските улици и јавни простори добиле бесплатна помош од приватна компанија. Од фирмата испратиле два камиони за дезинфекција.
-Секоја помош и поддршка е добредојдена и потребна, имајќи го предвид фактот дека само преку целосна социјална мобилизација ќе можеме да победиме во борбата против ширењето на КОВИД 19. Јавна благодарност до компанијата Анрра Центрум која денес со 2 камиони помогна во дезинфекција на улиците на градот, информираа од општина Тетово
Во текот на изминатите денови општина Тетово тековно го спроведува процесот на дезинфекција и чистење низ градот со биоцидна супстанција „Екоцид Ц“.
-Чистењето и дезинфекцијата на улиците во Тетово продолжи и синоќа со несмален интензитет. Се работеше на улиците 161, 162, улиците во блок 50, блок 70, како и улиците во насока на училиштето Кирил и Методиј, информираат од општина Тетово.
Вработените во комуналното претријатие и пожарната ги спроведуваат мерките за дезинфекција, чистење и дератизација. ас/бк/
