Полицијата изврши претрес во дом и други простории во Сингелиќ и пронајде дрога поради што уапси и три лица.
„На 5.7.2021, од страна на Одделот за криминалистичка полиција – Сектор за недозволена трговија со дроги, оружје и опасни материи, во содејство со СВР Скопје – Единица за недозволена трговија со дрога и оружје, беа лишени од слобода А. А. (61) Б. А. (22), Л. А. (21), сите од Скопје. При извршен претрес на домот и другите простории, врз основа на судска наредба, на подрачјето на Сингелиќ во Скопје, кај А. А. (21) од Скопје, кој не бил затекнат дома, била пронајдена марихуана. Трите лица се приведени, а за едно лице е распишана потрага“, соопшти МВР.
По комлетирање на целокупната документација за кривично-правниот настан, од страна на СВР Скопје до надлежното Јавно обвинителство ќе биде поднесена кривична пријава за сторено кривично дело по чл. 215 од Кривичниот законик.
