Претседателот на СОНК, Јаким Неделков информираше дека завршила денешната рунда на преговори со МОН, под покровителство на помирувач.
„Сите прашања кои се отворени, врз основа на нашите барања беа дискутирани, анализирани, аргументирани од двете страни. Преговорите продолжуваат во петок кога очекуваме и конкретни одговори на нашите предлози“, објави Неделков на социјалните мрежи.
Минатата недела штрајкот на вработените во образованието беше ставен во мирување.
Рокот за медијација е десет дена за усогласување на ставовите.