Во Уганда е регистриран првиот смртен случај од коронавирус, се наведува во објавата на Министерството за здравство на „Твитер“.
Министерството соопшти дека починала 34-годишна жена која била хоспитализирана поради пневмонија.
Додадено е дека 30 лица кои биле во контакт со неа биле ставени во карантин, а се следат и други контакти, јавува Би-би-си.
Во Уганда досега се потврдени 1.079 случаи на коронавирус.
Во таа земја, ублажувањето на мерките започна во фази во мај, а сега повторно се отворени продавниците во главниот град Кампала, едно од жариштата.
