Пратениците во црногорскиот парламент денеска избраа членови на 43-та влада на чело со премиерот Дритан Абазовиќ, лидер на Граѓанското движење УРА.
Новата влада ќе има 18 министерства, четворица потпретседатели и двајца министри без ресор.
Откако беше избран за премиер, на својот официјален Фејсбук профил се огласи и Дритан Абазовиќ.
– Ги повикувам сите да се соберат околу граѓанската и европска Црна Гора! – напиша накратко Абазовиќ.