Без екипа од Серија А, во петок, во седиштето на УЕФА во Нион, ќе се изврши ждрепката за четврт-финалето во Лигата на шампионите. Пласман меѓу најдобрите осум во Европа изборија три екипи од Англија, две од Германија и по една од Франција, Португалија и Шпанија.
Прв пат по пет години меѓу четврт-финалистите нема клуб од Италија.
На утрешната ждрепка, нема да има повластени екипи, што значи дека во оваа фаза можат да се сретнат тимови од исти држави, но и тимови кои веќе играа меѓу себе во фазата по групи.
Првите четврт-финални натпревари че се одиграат на 6. и 7.април, а реваншите ќе бидат одиграни на 13. и 14.април.
> По пет години нема италијански клуб во четврт-финалето <
