Прилеп, 11 јуни 2020 (МИА) – Еден новозаболен во Прилеп и еден од селото Црнилиште, општина Долнени, се денеска регистрираните нови случаи заразени од корона вирусот, информираат од прилепскиот Центар за јавно здравје Како последица на коронавирусот, почина 72 годишна жена, жител на Црнилиште, општина Долнени.
Од заразната болест оздравеле четири лица. Сега, во Прилеп се 23 активни случаи, од кои 18 пациенти се наоаѓаат на домашно, а 5 на болничко лекување.
На инфективното одделение во прилепската болница се хоспитализирани три лица позитивни на коронавирусот. На четири лица, сомнителни на КОВИД-19 земен им е брис и се чекаат резултатите.
Во Прилеп моментно во самоизолација се наоѓаат 54 лица.
Секодјневно се зголемува бројот на изречените прекршочни пријави за граѓаните кои не носат заштитни маски. Вчера на 30 граѓани им се изречени прекршочните пријави.ем/лв/
