Рускиот претседател Владимир Путин лично ќе објави доколку одлучи да ја прими вакцината против коронавирусот, изјави портпаролот на Кремљ, Дмитриј Песков.
„Доколку смета дека е потребно, ќе ја информира јавноста за тоа“, изјави Песков за агенцијата ТАСС.
На 11 август Русија стана првата земја во светот што регистрираше вакцина против коронавирусот и ја нарече Спутник V, а меѓу јавните личности кои веќе ја примиле вакцината се министерот за одбрана Сергеј Шојгу, градоначалникот на Москва Сергеј Собјанин, лидерот на Либерално-демократската партија на Русија, Владимир Жириновски и белорускиот премиер Роман Головченко.
Во средината на август, Путин објави дека ваквата вакцина ја примила и една од неговите ќерки.
