Поранешниот менаџер на изборната кампања на актуелниот претседател на САД, Доналд Трамп, Бред Парскале, е сместен во болница затоа што се заканувал дека ќе изврши самоубиство.
Според Си-ен-ен, настанот се случил вчера, а во моментот кога тој се заканил дека ќе си го одземе животот, Парскале бил сам во својот дом во Форт Лодердејл, Флорида, и бил вооружен со огнено оружје.
Неговата сопруга за сè ја известила полицијата, која по успешните преговори го извадила од куќата и го префрлиле во болница.
Минатото лето, Парскале е сменет од позицијата управител на кампањата на Трамп за претстојните претседателски избори во САД, но тој сепак задржал истакната позиција, иако од тогаш ретко се гледал во изборниот штаб на Трамп.
