Утрински Весник
Економија

Поради зголемените трошоци за живот, населението во Белгија излезе на улиците

Населението во Белгија денеска излезе на улиците за да го покаже своето незадоволство од трошоците за живот. Поради демонстрациите бриселскиот аеродром беше принуден да ги откаже сите полетувања во понеделникот, а многу автобуски линии низ земјата беа суспендирани, пренесуваат тамошните медиуми.

Синдикатите во соопштението наведуваат дека очекуваат десетици илјади луѓе да присуствуваат на демонстрациите во Брисел. Железничкиот транспорт работи делумно за да им овозможи на демонстрантите да дојдат во Брисел, објавуваат агенциите.

Во анализите е наведено дека инфлацијата во Белгија достигна 9 отсто во јуни, што го одразува наглото зголемување на трошоците за живот, најмногу поради тоа што руската инвазија на Украина ги погоди синџирите за снабдување со жито и предизвика пораст на цените на енергијата.

Белгискиот премиер Александар Де Кро изјавил дека белгиските работници се подобро заштитени од нивните колеги во повеќето други земји од Европската Унија, бидејќи платите се индексирани според инфлацијата.

Тој за јавната телевизија РТБФ изјавил дека владата ги продолжила мерките за намалување на даноците на продажбата на гас, електрична енергија и гориво до крајот на годината.

Можете да прочитате

Костадиновска Стојчевска: Со новиот буџет власта ги крати парите за култура и ги гази правата на културните работници

Ковачевски: Намалени инвестиции во болници, училишта и земјоделство, новиот буџет не носи подобар животен стандард

Се подготвуваат законски измени за повратот на ДДВ за компаниите, ќе се прецизираат роковите