Помладиот брат на американскиот претседател Доналд Трамп, Роберт, е хоспитализиран во Њујорк, објави Белата куќа денеска, без дополнителни информации.
Портпаролот на Белата куќа, Џад Дир, потврди дека помладиот брат на Трамп е во болница.
„Претседателот се очекува да го посети неговиот брат подоцна во текот на денот“, додаде портпаролот.
Каналот Еј-би-си њуз соопшти дека Роберт Трамп бил „многу болен“, повикувајќи се на неименувани извори.
Засега не е познато за која болест станува збор.
