Страдањето на Украинците поради руската инвазија е споредливо со ситуацијата во Полска за време на Втората светска војна, изјави денеска полскиот претседател Анджеј Дуда на изложбата на фотографии од Мариупол и Варшава.
„Она што се случи овде во Варшава за време на Втората светска војна, кога Германците безмилосно го убиваа цивилното население на нашиот главен град, е слично на безмилосноста на руската агресија во Украина“, рече Дуда.
„Колку се слични овие фотографии, колку е идентична монструозноста на оние што убиваат, што уништуваат“, изјави полскиот претседател.
„Злосторствата треба да одговараат“
Тој рече дека одговорните за воените злосторства не смее да останат неказнети.
„Тоа е должност на цивилизираниот свет денес. Мора да се формираат соодветни судови, злосторствата треба да одговараат“, посочи полскиот претседател наведувајќи дека сторителите обично лесно се идентификуваат.
На 1 август Полска го означува почетокот на Варшавското востание против германската окупација, кое почна на овој ден 1944 година.
Тогаш полските сили биле поразени, но по висока цена, а цела Варшава била казнета со целосно уништување на градот и протерување на населението. Илјадници беа однесени во германските концентрациони логори, пренесе „Индекс.хр“.