Владите на дури 35 европски земји побараа од претседателот на УЕФА, Александар Чеферин, да ги избрка претставниците на Русија и Белорусија од органите на Европската фудбалска унија, објави денеска британски „Дејли Мејл“.
Барањето најмногу се однесува за Александар Џуков, руски бизнисмен, кој е и претседател на Управниот одбор на „Гаспром“, претседател на фудбалскиот клуб Зенит и претседател на Руската фудбалска федерација.
Покрај Џуков, функции во УЕФА имаат и поранешните членови на КГБ Олег Дерипаска и Сегеј Приадкин.
Како што пренесува „Дејли Мејл“, во иницијативата против руски и белоруски функционери покрај Велика Британија учествуваат и Франција и Германија, а причината е војната во Украина.
Русија и Белорусија имаат 22 претставници во органите и панелите на УЕФА, а бидејќи националните сојузи на овие две држави се исфрлени од еврокуповите, логиката на повеќето европски земји е дека истите мерки треба да се применат и за официјалните лица.
Како што изјавија од Украина, во акцијата на руската армија биле уништени дури 100 спортски објекти.