Приврзаниците на претседателот Доналд Трамп денеска го пробија полицискиот кордон и влегоа во зградата на Конгресот.
Трамп претходно им се обрати на своите поддржувачи во близина на Белата куќа и ги повтори обвинувањата за изборна измама, повикувајќи ја толпата да маршира кон Капитол.
Trump supporters turned rioters inside the United State Capitol after breaking in ?: Getty images via CBS News pic.twitter.com/lJSwkOs3Fh
— David Begnaud (@DavidBegnaud) January 6, 2021
Потоа насобраната толпа проби неколку редови на полициски барикади и упаднаа во зградата на Конгресот за време на сесијата на која требаше да се потврди победата на Џо Бајден.
Потпретседателот Мајк Пенс, кој ја водеше сесијата, полицијата го однесе на безбедно место. Извршена е евакуација и на останатите пратениците на кои претходно им било кажано да земат гасмаски, бидејќи полицијата употребила солзавец откако во зградата биле забележани вооружани цивили.
Една жена е застрелана и како што пренесуваат американските медиуми, се наоѓа во критична состојба.
Во меѓувреме, Трамп го осуди Пенс на „Твитер“ дека немал храброст да ги заштити земјата и уставот бидејќи еднострано на ја блокирал верификацијата на избирачките гласови.
„Ројтерс“ објави дека вработените во Сенатот безбедно ги чувале резултатите од Изборниот колеџ.
