Легендата на норвешкото нордиско скијање, кое е национален спорт во оваа земја, двократниот олимписки шампион Петер Нортуг повторно е во проблеми откако при полициска проверка по пребрзо возење, во негов посед бил пронајден кокаин.
34-годишниот Нортуг, покрај олимписките успеси има 13 титули светски шампион, а двапати го освојуваше Светскиот куп во крос-кантри скијање во 2010 и 2013 пред да ја заврши кариерата во 2018 година.
„Вчера навечер, бев сопрен од полицијата поради пребрзо возење. Ме однесоа на тестирање на крвта и полицијата утврди мало количество дрога во мојата куќа, поточно кокаин. Се извинувам за оваа голема грешка“, вели Нортуг на својот Инстаграм профил, откако медиумите тврдеа дека возел 168 км/ч на пат на кој максималната брзина е 110 км/ч.
Ова не е првпат Нортуг да има проблеми со законот. Во мај 2014 година, тој го судри своето Ауди во Трондхајм под дејство на алкохол, а негов сопатник доби скршена клучна коска. По ова, тој избега од местото на несреќата и беше баран со полициски кучиња. Бидејќи на суд призна дека е виновен, тој доби 50 дена затворска казна и одземање на дозволата во следните пет години.
View this post on InstagramJeg har gjort en stor feil. I går kveld ble jeg stoppet av politiet i fartskontroll. Jeg kjørte altfor fort, og ble også tatt med på legevakten til blodprøve. I tillegg fant politiet en mindre mengde narkotika hjemme hos meg. Det dreier seg om kokain. Jeg er fortvilet og redd for hva fremtiden vil bringe, og utrolig lei meg for alle de som jeg nå har skuffet, igjen. Jeg vet at det nå blir en straffesak. Da skal jeg ta ansvar for det jeg har gjort.
> Повторно проблеми со поранешниот шампион – Нортуг уапсен со кокаин <
