Јувентус со победа над Сасуло (3:0) ја почна новата сезона во Серија А. Блескаше на дебито Анхел Ди Марија, Аргентинецот го постигна првиот гол и му асистираше на Душан Влаховиќ кој го постави конечниот резултат.
Ди Марија одигра 66 минути, потоа се пожали на повреда и го напушти теренот. Прегледите што ги направи претпладнево покажале дека тој ќе отсуствува од тимот во наредните десет дена.
Од Јувентус потврдија дека се работи за повреда на адукторот.