Струмица, 5 мај 2020 (МИА) – Во организација на планинарското друштво „Бел Камен”, а со поддршка од ЈП „Плаваја“ и група млади ентузијасти и граѓани изминатите денови се собираше отпад расфрлан од несовесни посетители на неколку локации околу патот на планината Плачковица, информираат од радовишкото комунално претпријатие.
Додаваат дека се собрани околу 20 метри кубни отпад, а претпријатието „Плаваја“ поставила садови за собирање отпад за да не се повтори грдата слика со расфрланиот отпад.
Од комуналното претпријатие се надеваат дека оваа акција ќе влијае позитивно врз граѓаните и ќе ги поттикне да ја чуваат животната средина и природата на планината Плачковица. рт/мс/
