Џимин, пејачот и танчер од јужнокорејскиот бенд „БТС“, е позитивен на коронавирус, а исто така е и опериран од акутен апендицит, соопшти во понеделникот неговата менаџерска агенција „Биг хит мјузик“.
Во изјавата се наведува дека членот на К-поп бендот бил опериран во понеделникот.
„Операцијата беше успешна и Џимин се чувствува добро по хирушката процедура“, соопшти „Биг хит мјузик“, додавајќи дека брзо закрепнува од инфекцијата со Ковид-19.
Џимин (26) е четврти член од бендот од седум момчиња што е позитивен на коронавирус.
