Евентуалното користење на воени аеродроми во други земји од страна на Украина е непожелно и потенцијално опасно сценарио, изјави денеска за новинарите портпаролот на рускиот претседател Дмитриј Песков.
„Министерството за одбрана веќе даде објаснување за можното користење на некои други аеродроми од страна на Украина за летови на воени авиони. Тоа е несакано и потенцијално опасно сценарио“, рече Песков, пренесува ТАСС.
Претставникот на Кремљ зборуваше и за преговорите со украинската страна и нагласи дека Москва е заинтересирана за одржување на следните рунди разговори со Киев штом Украина биде подготвена.
