Портпаролот на Кремљ, Дмитриј Песков, денеска изјави дека нема напредок во мировните преговори на Русија со Украина и дека Киев не е заинтересиран за нивно продолжување.
Преговорите не напредуваат, рече Песков, пренесува „Ројтерс“.
Заменик-министерот за надворешни работи на Русија Андреј Руденко изјави во вторникот дека Москва и Киев не водат разговори „во ниту една форма“ и дека Украина „практично се повлече од преговарачкиот процес“.