Тетово, 12 мај 2020 (МИА) – Во најпознатиот муслимански верски објект во Тетово, Пашината џамија (Шарена џамија) верниците кои дојдоа на вратите од објектот наидоа на истакнати писмени упатствија за однесување поради паднемијата, а имаше средства за дезинфекција за раце и заштитни маски за на лице.
– Обврските кои се наложени за верниците се да дојдат од дома со свое сеџаде (мал теписон за клекнување при молитва – н.з.), како и дома да земат абдест (миење на раце, лице и нозе – н.з.), да се носи сопствен куран и заштитна маска за лице, истакна Менсур Мифтари, претседател на Одбор на Шарена џамија.
Во просторот за молитва во внатрешноста на џамијата задолженијата се да се држи дистанца, како и да се воздржуваат од поздравување со раце по завршување на намазот (молитвата). ас/оџ/
