Тетово, 24 јуни 2020 (МИА) – После 18 часот и 30 минути прооден е за сообраќај регионалниот патен правец Тетово-Јажинце, кој ноќеска беше затрупан од наноси од земја и камења поради излевање на река Габровница кај Доброште, соопшти СВР Тетово.
Од тетовската полиција велат дека се обезбедени услови за одвивање на сообраќај и наизменично пропуштање на возила само во една насока. Воедно продолжува со работа механизација на надлежните институции за целисно расчистување на наносите од коловозната лента.
Екипи на Македонија пат и на Центарот за управување со кризи работат на патот и на коритото на реката. Сообраќајот на патот беше во прекин од ноќеска околу 1 часот поради поплавата.
Полициски службеници од станицата за безбедност во патниот соообраќај во Тетово и понатаму се на теренот за регулирање на сообраќајот. ас/сст/
