Ресен, 26 март 2020 (МИА) – Заменик-министерот во Министерството за локална самоуправа Дејан Павлевски ја посети Општина Ресен и беше информиран за мерките и активностите на тамошната локална самоуправа за мерките против Ковид-19.
За време на престојот во Општина Ресен, Павлевски заедно со својот домаќин градоначалникот Живко Гошаревски извршија увид на активностите што ги презема јавното комунално претпријатие „Пролетер”, а во врска со дезинфекција на улиците и јавните површини.
Павлевски и градоначалникот Гошаревски ја посетија и фирмата „Рес-ком” која како општествено одговорна компанија, на Општина Ресен и донираше средства за дезинфекција, а за граѓаните од ранливите категории, донираше храна.мт/см/
