Утрински Весник
Спорт

Официјално: Јувентус објави тројна зделка

Официјално: Јувентус објави тројна зделка

Торино, 30 јуни 2020 (МИА) – Јувентус официјално го продаде напаѓачот Штефи Мавидиди на француски Монпелје за 6,3 милиони евра, додека Феликс Кореа дојде во Торино од Манчестер Сити во замена за Пабло Морено.

Мавидиди играше на позајмица во Дижон минатата сезона, но двете страни не можеа да се договорат за продолжување на договорот. Утрово се појави информација дека трансферот во Монпелје пропаднал поради интервенцијата на Аталанта и Лил, но пред неколку минути Јувентус објави дека го завршил договорот со францускиот тим. Продажбата е вредна 6,3 милиони евра, кои ќе бидат платени на три рати.

Во исто време, „бјанконерите“ најавија размена на играчи со Манчестер Сити. Феликс Кореа пристигнува во Торино за 10,5 милиони евра и потпиша петгодишен договор со клубот. Од своја страна, поранешниот напаѓач Пабло Морено се сели во Манчестер Сити за 10 милиони евра. Ова генерираше заработка од 7,6 милиони за Јувентус, откако претходно го зеде како слободен агент.

Извор: mia.mk

Можете да прочитате

Чави и да не се премисли останува во Барселона

Јокиќ со нов рекорд во НБА

Медведев – Синер е првата полуфинална двојка на Мастерсот во Мајами