Американскиот фонд „Оуктри капитал“ ќе купи 30 отсто од акциите на Интер со план подоцна целосно да го преземе новокрунисаниот италијански шампион од кинеската „Сунинг групација“, јавува „Блумберг“.
„Оуктри“ ќе ги откупи 30-те отсто што ги поседува хонгконгшкиот „Лајонрок капитал“ во договор од 336 милиони долари, тврди „Блумберг“ откако „Сунинг“ подолго време се мачи со финансиите и бара нов партнер.
Италијанските медиуми, пак, тврдат дека „Оуктри“ ќе донесе пари во тимот, но дека подоцна ќе се обиде да ја преземе целосната контрола на клубот.
> „Оуктри“ ќе купи 30 отсто од Интер со намера да го преземе клубот? <
