„Ворнер Брос пикчрс“ се појавија во„Синемакон“ во средата за да го откријат целосниот наслов на четвртото продолжение на Матрикс-серијалот, „Матрикс: Воскресенија“.
Ова продолжение ќе се појави во кината на 22 декември и додека се уште нема официјален трејлер, присутните на „Синемакон“ можеа да видат ексклузивни снимки од филмот.
Entertainment Weekly обезбеди опис на оваа снимка. Трејлерот, наводно, се фокусира на Кијану Ривс и Кери-Ен Мос, кои се враќаат како Нео и Тринити.
На снимката, Нео го има изгледот пред Матрикс, како Томас Андерсон, со долга коса и брада слична на Џон Вик. Тој се среќава со Тринити во кафуле, и додека двата лика чувствуваат некаква поврзаност, изгледа како да не се сеќаваат еден на друг.
„Матрикс: Воскресенија“ е во режија на Лана Ваховски, која се враќа од ко-режирање на оригиналната трилогија.
