Губењето на чувството за мирис е еден од најчестите и најраните симптоми на Ковид-19, а група американски научници тврдат дека ја пронашле причината за овој феномен.
Според „Скај њуз“, утврдено е дека сензорните неврони кои го детектираат мирисот и го пренесуваат до мозокот, не се меѓу клетките за чувство за мирис кои се зафатени од коронавирусот.
Всушност, вирусот ги напаѓа клетките кои овозможуваат метаболичка и структурна поддршка на овие неврони, како и одредени матични клетки и клетки на крвните садови, велат научниците од Медицинскиот факултет на Универзитетот Харвард, кои исто така наведуваат дека губењето на чувството за мирис предизвикано на овој начин не е трајно.
