Американскиот режисер Стивен Содерберг ќе биде копродуцент на церемонијата „Оскари 2021 година“, за која организаторите велат дека директно ќе одговори на ефектите на Ковид-пандемијата.
Содерберг е познат по филмови како „Ерин Брокович“, „Зараза“ и драмата „Сообраќај“ која му донесе Оскар во 2001 година.
Според Академијата, церемонијата во април ќе биде совршена можност за иновации и повторно предвидување на можностите на американското шоу на награди.
Содерберг и неговите соработници рекоа дека се „воодушевени и преплашени“. Тој ќе ја постави церемонијата на 25 април со колегите продуценти Џеси Колинс и Стејси Шер.
„Заради необичната ситуација во која се наоѓаме сите, постои можност да се фокусираме на филмовите и на луѓето што ги прават тие филмови на еден нов начин“, велат тие во изјавата.
„Се надеваме дека ќе создадеме претстава што ќе ја почувствуваме на ист начин како и филмовите што сите ги сакаме.“
Не е познато каква форма ќе има настанот, но Академијата за филмски уметности и науки, наводно, истражува како би изгледала церемонија во живо.
Неодамнешните церемонии на доделување награди, како и шкотските „Бафти“ минатата недела, се одржаа полувиртуелно во согласност со упатствата за социјално дистанцирање.
