Полициски службеници од Одделот за криминалистичка полиција, по претходно добиени оперативни сознанија и судска наредба денеска извршиле претрес во дом и помошни простории кај 51-годишниот С.Т, жител на прилепското село Лажани.
Како што информираат од МВР, при претресот биле пронајдени три рамки за автоматска пушка, една воздушна пушка, 90 куршуми калибар 7.62 x 39 мм, 25 маневарски куршуми, ловни патрони…
С.Т. бил приведен во ОВР Прилеп и по документирање на случајот ќе биде поднесена соодветна кривична пријава.
