Утрински Весник
Свет

Орбан: Уште еден милион вакцинирани и ги олеснуваме мерките

Потпретседателката на ЕК му одговори на Орбан

Премиерот Виктор Орбан денес објави дека Унгарија може да ја започне првата фаза на олеснување на ограничувањата против Ковид-19 откако ќе се вакцинираат уште еден милион граѓани, пренесува „Ројтерс“.

„Постојат добри шанси да нема епидемиолошки ограничувања ова лето“, рече унгарскиот премиер за државното радио, наведува агенцијата.

Орбан рече дека целта е што повеќе имунизирани лица да ја започнат економијата на земјата што е можно поскоро, која лани падна за 5,1 процент и дека досега се вакцинирани околу 1,5 милион Унгарци, и дека можат да започнат со мерките за олеснување кога тој број ќе се зголеми на 2,5 милиони, што е четвртина од вкупното население.

Орбан исто така повтори дека ја поддржува употребата на кинески и руски вакцини против Ковид-19, што неговата земја прва го стори во Европската Унија.

Во Унгарија, во изминатите 24 часа е регистриран рекорден број на нови случаи на коронавирус – 10.759, а регистрирани се 213 смртни случаи од Ковид-19, што е најголем број за еден ден, според агенцијата.

Извор: makfax.mk

Можете да прочитате

САД подготвуваат предлог-закон за санкции од 500 отсто за земји што купуваат руска енергија

САД воведуваат 35 отсто царини за Канада, Трамп најавува тарифи за повеќето трговски партнери

Трамп: Во понеделник „голема изјава“ за Русија