Месут Озил на презентацијата како фудбалер на Фенербахче ги отфрли сите можности да се врати во германската фудбалска репрезентација, ниту да игра повторно во Бундеслигата, праќајќи јасна порака до земјата каде што е роден.
Озил имаше 94 настапи за Германија од 2009 до 2018 година, со 23 гола и 43 асистенции, и секако со титулата од Светското првенство во 2014, кога беше клучен човек во репрезентацијата. Сепак, четири години подоцна во Русија, Германија испадна во натпреварите по групи, и Озил се откажа од репрезентацијата, тврдејќи дека во федерацијата има расизам. Таа одлука не планира да ја смени.
„Кога ќе тргнам на пат, не се враќам назад. Затоа, нема да играм за германската репрезентација повеќе. Им посакувам многу успех“, вели 32-годишниот Озил.
Тој исто така ја отфрли можноста да се врати во Бундеслигата, каде што на почетокот на кариерата играше во Шалке и Вердер.
„Но, не сонувам за враќање во Бундеслигата“, одговори кратко фудбалерот.
“When I go down a path, I never turn back”
Mesut Ozil receives a huge round of applause as he says he will never play for Germany again pic.twitter.com/bUGM3DV32q
— The Sun Football ⚽ (@TheSunFootball) January 27, 2021
> Озил воопшто не планира враќање во Германија <
