Овен Вилсон стана жртва на крадци кои ги украле гумите од неговиот автомобил Тесла додека бил паркиран пред неговиот дом во Калифорнија.
Отмениот Тесла на холивудскиот актер бил ограбен пред неговиот имот во Санта Моника. Крадците ги однеле бандажите на тркалата, како и гумите со вкупна загуба проценета на околу 4.000 американски долари.
Се претпоставува дека кражбата се случила во раните утрински часови во неделата, според „ТМЗ“.
Истиот извор пренесува дека инцидентот бил пријавен во полиција, која го истражува случајот како голема кражба. Ги проверуваат безбедносните камери во областа за да видат дали можат да ги фатат виновниците.
Засега нема уапсени.