Русија веројатно е подготвена да ја искористи секоја украинска воена активност во близина на нуклеарната централа Запорожје за пропагандни цели, објави денеска британската разузнавачка служба, а пренесува „Гардијан“.
Latest Defence Intelligence update on the situation in Ukraine – 25 August 2022
Find out more about the UK government’s response: https://t.co/3fhM5JyOS6
???????? #StandWithUkraine ???????? pic.twitter.com/0eCZDn4CYZ
— Ministry of Defence ???????? (@DefenceHQ) August 25, 2022
Додека Русија ја држи под контрола украинската нуклеарна централа, главните ризици за нејзината работа остануваат можни нарушувања на системот за ладење на реакторот, оштетување на неговото резервно напојување или грешки од страна на вработените кои работат под притисок, се вели во најновиот извештај на Министерството за одбрана на Велика Британија.
Министерството соопшти дека според снимките од 21 август, забележливо е дека Русија одржува зголемено воено присуство на локацијата, со оклопни транспортери распоредени на 60 метри од реакторот број пет.
That kind of looks like … military vehicles that Russia claims are not on the territory of the Zaporizhzhia nuclear power plant pic.twitter.com/jwo802ebHZ
— Alec Luhn (@ASLuhn) August 25, 2022
Британските разузнавачи наведуваат и дека руските војници се обидуваат да го прикријат присуството на овие возила, пренесува британскиот весник.
Генералниот секретар на Обединетите нации Антонио Гутереш вчера ги повика експертите на Меѓународната агенција за атомска енергија (МААЕ) што е можно поскоро да ја посетат нуклеарната централа Запорожје.
Гутереш изрази сериозна загриженост за ситуацијата во нуклеарната централа Запорожје.