Најмалку 38 лица загинаа откако обилните дождови низ југозападниот дел на Јемен и главниот град Сана предизвикаа поплави и урнаа многу куќи, соопштија денеска официјални лица.
Десетици куќи во Сана и провинциите Дамар и Иб беа целосно уништени или сериозно оштетени.
Тие области се под контрола на јеменските бунтовници Хути, кои се во војна со силите лојални на меѓународно признатата влада на земјата, која е поддржана од коалицијата предводена од Саудиска Арабија, пренесе АП.
1/2 Civilian casualties have reduced as a result of the ongoing #truce in #Yemen but this time it is heavy rain and flooding that have caused devastation to life and property. pic.twitter.com/2hLJ2sG0za
— NRC (@NRC_Norway) August 11, 2022
Годишната сезона на дождови во Јемен обично започнува во мај и трае до август, но оваа година, најсиромашната земја во арапскиот свет забележа пообилни од вообичаените дождови, придружени со грмотевици.
УНЕСКО денеска изрази загриженост поради влијанието на врнежите врз стариот град Сана, светско наследство, пренесе Телеграф.рс.