Поранешниот американски претседател Барак Обама, во својот говор на испраќањето на починатиот борец за човекови права Џон Луис, остро ги критикуваше, како што рече, обидите на републиканците да ги угнетуваат гласачите.
„Луѓето на власт ги напаѓаат нашите гласачки права со хируршка прецизност“, рече Обама, повикувајќи на сеопфатна реформа, пренесува „Би-би-си“.
Како што рече тој, луѓето на власт прават најцрни работи за да ги обесхрабрат луѓето да гласаат, затворајќи ги избирачките места и наметнувајќи рестриктивни закони за малцинствата и студентите.
Во исто време, тој го осуди убиството на полицискиот службеник Џорџ Флојд и употребата на федерални агенти против демонстрантите кои се собраа на протестите поради полициската бруталност кон Афроамериканците.
