АМСМ соопшти дека вечерва од 20:05 часот на магистралниот пат А-4, Струмица-ГП-Ново Село, сообраќајот е нормализиран.
Претходно истиот беше во прекин поради опожарено патничко возило.
Од АМСМ потсетуваат дека интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
