Утрински Весник
Спорт
300x250 opst2

Нов тежок пораз за Вардар за крај на неубедливата сезона во ЛШ

Нов тежок пораз за Вардар за крај на неубедливата сезона во ЛШ
Dik 300x250 mk

Вардар уште еднаш беше декласиран од стариот познаник, унгарскиот Веспрем, овојпат со 39:30 на гости, за потврда на елиминацијата во осминафиналето на ЕХФ Лигата на шампионите, каде што влегоа откако ЕХФ реши сите тимови кои беа во групната фаза да влезат меѓу најдобрите 16.

Вардарци тргнаа израмнето со Веспрем до 6:6, пред домаќините да се одвојат и да направат пет гола разлика на полувреме (20:15). Во второто полувреме оваа разлика порасна и на 10 гола разлика, за конечен пораз со девет гола разлика.

Поранешниот вардарец, Данил Шишкарев беше најефикасен за Веспрем со 6 гола, колку што имаше и Андреас Нилсон. Капитенот Стојанче Стоилов постигна пет гола за Вардар, колку што имаше и Тимур Дибиров, додека по четири имаа Чупиќ и Шеваљевиќ.

Фото: РК Вардар

ЕХФ ЛИГА НА ШАМПИОНИ, 1/8 ФИНАЛЕ, 2.МЕЧ

Мешков Брест – Мотор Запорожје 08.04, прв меч 30:32

Веспрем – Вардар 39:30 (20:15), прв меч 41:27, вкупно 80:45

Претходно одиграни натпревари

Кјелце – Нант 31:34, прв меч 25:24, вкупно 56:58

Алборг – Порто 27:24, прв меч 29:32, вкупно 56:56, Алборг има повеќе постигнати голови на гости

Кил – Пик Сегед 33:28, прв меч 33:28, вкупно 66:56

Барселона – Елверум 39:19, прв меч 37:25, вкупно 76:44

Флензбург – ППД Загреб вториот меч нема да се игра, прв меч 36:30

Пари Сен-Жермен – Целје 08.04, прв меч 37:24

> Нов тежок пораз за Вардар за крај на неубедливата сезона во ЛШ <

Можете да прочитате

ФИФА му одговори на Трамп за евентуално одземање на правото на Бостон да биде домаќин на СП 2026

Англија ја победи Летонија и обезбеди учество на СП 2026

Барди со мајсторски потег ја спаси вечерта – Македонија ремизира со Казахстан!