Нова тепачка се случи на паркетите во НБА лигата. Три дена по инцидентот на натпреварот Денвер Нагетс-Мајами Хит, кога Никола Јокиќ го фрли на паркетот Маркиф Морис, тепачка се случи на дуелот Јута Џез-Индијана Пејсерс.
Главни актери беа центрите на двата тима, Руди Гобер и Мајлс Тарнер. Гобер ја предизвика тепачката, откако доби блокада од Тарнер.
Додека паѓаше Гобер го повлече и Тарнер, кога станаа инцидентот прерасна во физичка пресметка. Во тепачката потоа се вклучија Донован Мичел и Џо Инглс.
Четворицата беа исклучени.
Натпреварот и припадна на Индијана 111:110. Малком Бронгдон постигна 30 поени. На спротивната страна исклучените Мичел и Гобер беа најефикасни со 26, односно 19 поени.
> Нов инцидент во НБА – Се тепаа Гобер и Тарнер <
