Независниот музички издавач „Шарла рекордс“ го издаде своето 73-то издание Circus Never Ends (Sharla Records Label Sampler 21/22).
Се работи за веќе традиционална годишна компилација составена од музика на бендови и артисти што издаваат за „Шарла“.
Осум од нив влегоа во годинешниот избор, меѓу кои и четири нови и досега необјавени нумери, кои треба да се најдат на следни изданија. Жанровската и стилска шареноликост, која е каракатеристична за овој издавач, пресликана е и во ова издание, особено наменето за слушатели со широк музички интерес и потреби. Компилацијата ја состави Давид Ангелевски, кој го потпиша и омотот, направен врз фотографии на Ивица Јанкуловски.
Текстот Ново издание за „Шарла“ – Circus Never Ends е превземен од МАКФАКС.
