Тиери Анри го шокирал новинарот на Си-би-ес, кога францускиот ас му кажал кој е најдобриот фудбалер со кого ја делел соблекувалната. Новинарот не го добил очекуваниот одговор, Лионел Меси, со кого Анри ја делеше соблекувалната во Барселона.
„Не е Меси, туку Денис Беркамп“, рекол Анри и објаснил.
„Додека сум жив ќе кажувам дека тој е најдобриот партнер што може да го има еден напаѓач. Тој е сон за секој голгетер. Тој човек секогаш го бираше вистинскиот потег. Можеше да постигне гол, да асистира да го почека вистинскиот момент. Секогаш ја почитуваше играта и соиграчите“, рекол Анри, кој покрај со Меси во Барселона играше со Иниеста, Роналдињо и Чави.
Беркамп го носеше дресот на Арсенал од 1995 до 2005 година. Анри и Беркамп заедно освоиле две титули во Премиер лигата и три во ФА купот.
> Новинар во шок по одговорот на Анри: Најдобриот со кого си играл не е Меси? <
