Утрински Весник
Спорт

Нова и несекојдневна атлетска трка „HalkEco Хронометар 10KM!“

Нова и несекојдневна атлетска трка „HalkEco Хронометар 10KM!“

Скопје, 3 јуни 2020 (МИА) – Во организација на Сојузот на спортови на Скопје и Атлетскиот клуб Работнички, на 13 јуни ќе организираат иновативна атлетска трка на 10 км, „HalkEco Хронометар“.

– Оваа трка ќе биде поразлична од сите други досега заради тоа што има посебни правила и протоколи според препораките од Владата и Комисијата за заразни болести, кои што ќе треба да бидат почитувани од сите учесници. Трката е наречена по хронометар, точно мерење на времето на одредена должина на зададена патека, но со посебен старт на секој натпреварувач, како во велосипедизмот. Новитет е тоа што натпреварувачот при пријавувањето, сам го бира времето за старт од 6:30 до 9:30 часот, при што временскиот интервал на старт помеѓу секој натпреварувач е 30 секунди, со цел да се даде доволно растојание помеѓу тркачите, објави организаторите.

Почетокот на трката на 13 јуни ќе биде на кејот на Вардар, под мостот „Гоце Делчев“, од каде што тркачите ќе трчаат во правец на Карпош 4 и назад кон стартната позиција.

Трката има ограничен број на учесници – 360, а пријавувањето кое е во тек ќе трае до пополнувањето на максималниот број на учесници. Секој кој што е заинтересиран да биде дел од новата атлетска трка „HalkEco Хронометар 10КМ“ може да се пријави само онлајн на www.hronometar10km.mk. зс/

Извор: mia.mk

Можете да прочитате

Чави и да не се премисли останува во Барселона

Јокиќ со нов рекорд во НБА

Медведев – Синер е првата полуфинална двојка на Мастерсот во Мајами