САД ќе и’ исплатат на Украина нова транша од економската помош во вредност од 1,7 милијарди долари, изјави американскиот министер за финансии Џенет Јелен.
„Овој пакет економска помош за Украина е дел од ветувањето на претседателот Џо Бајден дека ќе ја поддржи украинската влада додека ја брани украинската демократија од неоправданата и неиспровоцирана војна на Русија“, рече Јелен.
Украинската влада ќе ја добие оваа нова помош преку Светската банка, а таа е дел од економската помош вредна 7,5 милијарди долари што САД во мај му ја ветија на Киев.