Најмалку 38 патници се повредени утринава кога автобус со пензионери излетал од автопатот кон Ерусалим, објави „Тајмс оф Израел“.
Автобусот минувал низ градот Модин кога пробил заштитна ограда и слетал во канал, соопшти полицијата.
Итната помош соопшти дека 38 патници се повредени, а четворица од нив завршиле во болница, пренесуваат агенциите.
Спасувачите прво ги извлекле постарите патници, од кои некои не можеле сами да излезат. Повеќето морале да излезат низ прозорците.
Во автобусот имало пензионери кои оделе на пат.
Според податоците на групата за безбедност на патиштата „Ор Јарок“, од почетокот на годината на израелските патишта загинале 180 лица.