Скопје, 29 јуни 2020 (МИА) – „Сашо никогаш не дојде во партија, скршен од мака“, му вели лидерот на ВМРО-ДПМНЕ Христијан Мицкоски на Зоран Милевски Кичеец, еден од осудените во случајот„Рекет“ во последната аудиоснимка што утрово е објавена на Јутуб каналот.
-Сашо даде два пати по 5.000 евра за автобусите за 2 јуни, тоа е од Сашо донација, додава Мицкоски.
Разговорот, најверојатно, се однесува на начинот на кој биле платени автобуси за протестот што го организираше опозицијата пред Владата на 2 јуни 2018 година.
На снимката, која трае дваесеттина секунди, се слуша и Кичеец која на Мицкоски му кажува дел од „некои муабети“ што ги слушнал. бк/лв/
