Селма Хaјeк првпат виде како изгрева нејзината sвезда со улоги во телевизија и филм во Мексико, почнувајќи од крајот на 1980-тите.
Во раните 90-ти sвездата на „Фрида“ се пресели во Лос Анџелес за да продолжи со филмска кариера, но транзицијата кон публика што говори англиски јазик наиде на бројни омаловажувачи.
Во ново интервју, 54-годишната Хajeк открива како ѝ кажувале дека нејзината актерска кариера ќе „умре“ кога таа ќе има триесетина години и дека никогаш нема да успее во Холивуд како мексиканска актерка.
„Ми рекоа дека мојата кариера во Холивуд ќе умре во средината на моите триесетти“, рече таа додека го промовираше својот нов филм, научна фантастика Bliss („Блаженство“).
„Како прво, тие велеа дека Мексиканка никогаш нема да успее затоа што, во тоа време беше невозможно некој од Мексико да има водечка улога во Холивуд“.
