Бројот на смртни случаи од „Ковид-19“ во светот надмина 700.000, според податоците на „Ројтерс“, а САД, Бразил, Индија и Мексико имаат најмногу смртни случаи од оваа болест.
Во просек, речиси 5.900 луѓе умираат од „Ковид-19“ на секои 24 часа, според проценките на Ројтерс врз основа на податоците од изминатите две недели. Тоа е еквивалентно на 247 луѓе што умираат секој час, или еден човек на секои 15 секунди.
САД и Латинска Америка се новите епицентри на пандемијата и се борат за контрола на вирусот.
Рекордно зголемување на бројот на заразени лица имаат и Австралија, Јапонија, Хонгконг, Боливија, Судан, Етиопија, Бугарија, Белгија, Узбекистан и Израел.
