Најмалку 800 луѓе во светот починале поради дезинформации врзани за коронавирусот во првите три месеци од оваа година, тврдат научниците.
Според студијата објавена во американскиот магазин за тропска медицина и хигиена, околу 5.800 луѓе починале во болница, како резултат на лажни информации на социјалните мрежи.
Би-би-си пренесува дека многумина умреле зошто пиеле метанол или средства за чистење на база на алкохол. Погрешно верувале дека тие производи се лек против вирусот.
Светската здравствена организација соопшти дека „инфодемијата“ околу коронавирусот се шири еднакво брзо како и самиот вирус, а теориите на заговор, гласините и културните стигми придонеле за смрт и повреди.
Многу од жртвите ги следеле советите кои наликуваат на веродостојни медицински информации – како што е јадење големи количини лук или голтање големи количини витамини, како начин за спречување на инфекцијата, велат авторите на студијата.
Други пак пиеле урина од крава. Сите овие акции имале потенцијално сериозни последици по нивното здравје, велат научниците.
